CAPTIVE: pakikibaka at pakikipagtunggali

CAPTIVE (2012) ay kalahok sa Bernale Film Festival at sa Ghent International Film Festival. Ang pelikulang naglahad ng paghihirap ng mga nakidnap sa kamay ng Abu Sayaf.

Matapang at mapangahas ang kwento ng Captive na tinampukan nina French Actress Isabelle Hupert, Raymund Bagatsing, Ronnie Lazaro, Coco martin, Mercedes Cabral, Mon Confiado, Ma. Isabel Lopez, Sid Lucero at marami pang iba sa panulat at direksyon ni Brillante Ma. Mendoza. Talagang mababasa mo sa dulo ng pelikula ang mga katagang “…kidnap for ransom has been a lucrative business in the Philippines…”

Kung hindi ka ‘pinoy hindi mo mararamdaman ang “realistic side” ng pelikula. Marahil maraming katanungan ang babagabag sa ‘yo dahil sa palipat-lipat ng baryo ang mga Abu Sayaf magtatanong ka “ano ang reaksyon ng mga taga-baryo?” o di kaya’y “bakit may ganitong kidnapping na nagyayari sa Pilipinas?”  at “talaga bang kasal ang sagot ng rape victim sa nanggasaha sa kanya?”

Puno ng tension ang pelikula – magaling ang paglalahad at ang mga ipinapakitang eksena. Ang gubat, ang mga mababangis na hayop, ang kultura at tradisyon at maging ang paraan ng paggamot ng sugat.

ang eksenang nakita ni Therese' (Isabelle Hupert) ang mahiwagang
Ibong Adarna nasumisimbolo ng katatagan at pag-asa.

Habang nakaupo ka’t pinapanood ang pakikibaka ng mga hostage upang mabuhay sa gubat, ang pakikipagtunggali ng mga military upang isagip ang mga ito, ang hirap na dinanas ng bawat buhay na naging saksi sa walang humpay na paglalakbay at pagkitil ng buhay, ang karahasang dinanas ng bawat biktima at maging ang baryong napupuntahan at higit sa lahat ang kulturang naghihingalo ay mapapahanga ka sa galing ng pelikula.

May pagpapahalaga at pagrespeto ang CAPTIVE sa dalawang panig. Hindi ito kumiling at walang takot na nagpamalas sa katotohan.

Rating: 3 1/2 /5