My TOP 3 Action-Adventure Movies of April 2013

There were numerous movies shown last April that could have been shown and were worth to watch and these includes THE HOST and GI JOE RETALIATION. Even the animated ONE PIECE FILM Z is noteworthy to mention.  However, I have MY TOP 3 ACTION-ADVENTURE MOVIES FOR APRIL;


1.   Antoine Fuqua's
OLYMPUS HAD FALLEN

2.  Shane Black's
    IRON MAN 3

3. Joseph Korinski's
       OBLIVION

Archie Alemania says ...

Archie is nice and fine gentleman. 

So accommodating and good conversationalist.

pangbatang matanda ang ONE PIECE FILM Z at matandang pambata

Ito na marahil ang counterpart ng Pixar Animation ang Manga Animation mula sa Japan. Walang duda na pinaghandaan ng mga tao sa likod ng animae’ na ito ang pagsasapelikula ng tanyag na hit sa telebisyon.

ONE  PIECE FILM  Z ay sinulat ni Osamu Suzuki (Jungle Emperor Leo) at sa direksyon ni Tatsuya Nagamine (One Piece: The Desert Princess and the Pirates Adventures in Alabasta).

Ang pelikula ay umiikot sa kwento ni Z (Zephyr), dating Naval Admiral na dahil sa pait na dinanas sa buhay ay napuno ng puot, galit  at paghihiganti kaya bumuo ng grupong Neo Marines na syang sisira sa 3-End Points upang maghari sa mundo. Nagkrus ang landas ni Z at grupo ni Luffy, ng makita nilang walang malay na nakalutang sa dagat ang malupit na pinuno. At dito nagsimula ang kanilang bakbakan.

Una, magara ang presentasyon ng mga imahe, buhay na buhay ang kulay at detalyado ang bawat eksena. Dahil 2D ito, malinis at klarong-klaro ang resolution na makikita kaya maganda ang cinematography nito.

Kahit di ka pamilyar sa One Piece ay madaling maintindihan ito habang pinapanood mo tulad ng “NARUTO: ROAD TO NINJA” na kamakailan lang ipinalabas.

Kompletos rekados ang ONE PIECE FILM Z, lahat ng karakter ay nandoon mula kay Luffy, Zoro, Nami, Usopp, Sanji, Chopper, Robin, Frank, Brook at iba pa ay nagpakita ng kani-kanilang kakayahan sa pakikipaglaban.

Mahalaga sigurong sabihin na medyo lumihis ng konti ang kwento pagdating sa dulo, hindi consistent si Luffy sa kanyang layunin laban kay Z pero hindi mo na gaanong mapapansin ito dahil sa puno ng umaatikabong bakbakan ang pelikulang ito. At sa lahat ng karakter tanging si Usopp lamang ang hindi nagtransform kaya medyo nakulangan ako sa aking napanood.

Sa kabuuan, masaya kang lalabas sa sinehan. Walang pagsisisi na ito’y pinanood mo. ONE  PIECE FILM Z ay pangbatang matanda at matandang pambata.

Rating: 3/5

mapulitika ang BROKEN CITY kaya napapanahon sa eleksyon

Mainit ang mga eksena parang eksena sa eleksyon, nakakaalarmang debate at nakabibinging kampanya – ang Broken City ay isang crime thriller tungkol kay Mayor Hostetler (Russell Crowe) na kumuha ng private investigator (Mark Wahlberg bilang Billy Taggart) upang alamin kung totoong may karelasyon ang kanyang asawa (Catherine Zeta-Jones) sa campaign manager  (Kyle Chandler) ng kanyang kalaban sa pagka-mayor sa kanilang syudad.

Napapanahon ang pelikula sa Pilipinas dahil nalalapit na ang eleksyon, may binaril at namatay, may pananakot at panunuhol, may blackmail, at marami pang iba – kaya nga BROKEN CITY – isang powerhouse cast na sinulat ni Brian Tucker at sa direksyon ni Allen Hughes (The Book of Eli [2010]).

Medyo manipis ang kwento ng pelikula at parang minadali ang bawat eksena. Malabong mangyari ang mensaheng nais iparating ng BROKEN CITY kaya hindi ito kapani-paniwala. Sa ganang akin, kinulang sa detalye ang pagsasadula ng kwento. Nadala lang ang pelikula sa mga naglalakihang artista dito, na talaga namang wala kang masasabi sa karakter na ginampanan.

Hindi mo kailangang gumastos upang mapanood ito pero kung may pagkakataong maipalabas sa tv, walang masama kung pag-uukulan mo ng oras. Maari mo ka ring bumili ng kopya sa cd/dvd.  Sa ganda ni Catherine,   sa galing ni Russell at Mark solb na solb na ang panonood mo.

Rating: 2/5

higit sa lahat, tao rin si IRON MAN

Sa ikatlong yugto ng IRON MAN ay ipinakita nito ang pagiging tao niya bilang si Tony Stark [Robert Downey Jr.] – marunong magmahal, nasasaktan at higit sa lahat  may pinagdadaanan, ang kanyang anxiety disorder. Kung matatandaan n'yo ganito rin ang tema ng Spiderman 3 at Batman Begins (3rd installment) kahit nga ang Superman Returns - kaya patok na patok sa manonood.

Back to basics ‘ika nga ang istilo ng IRON MAN 3, dito inilahad kung paano mag-isip at makipaglaban ng mano-mano si Tony upang matalo ang “extrimis” na pinamumuan ni Mandarin [Ben Kingsley] na sumusunod sautos ni Aldrich Killian [Guy Pierce].

Isang pelikulang pampamilya, matanda’t bata ay maaaliw sa galing ng bida kasama si Iron Patriot [Don Cheadle] sa pakikipagtunggali sa walang kamatayang kalaban.

Maraming eksena ang nakamamangha dahil sa makabagong teknolohiyang ginamit sa pelikula at ang karakter ni Tony ay kwelang patok sa mga batang manonood.

Hindi ito ang huling Iron Man kahit na ipinaubaya ng dating direktor na si Jon Favreau (Iron Man 1 & 2) kay Shane Black (Kiss Kiss bang Bang) ang pelikulang ito.

Sinasabing “loosely inspired” ang kwento ng IRON MAN 3 kaya medyo kulang ang laman nito. Magpagayon pa man, nakakamangha pa rin ang mga adventures ni IRON MAN kaya nga GP ang MTRCB Rating nito na may habang 2 oras at 15 minuto.

Sabihin man nating may konting sablay, sa huli ay siksik pa rin sa entertainment value ang IRON MAN 3 at kaabang-abang ang susunod na yugto nito.

Rating:  3/5 

IRON MAN 3 @ iMaX MoA had a 24-hours screening schedule.

Dark Skies – Pananakot Sa Makabagong Panahon

Napakabilis ng takbo pag-asenso, progresibo ang pamumuhay ng tao sa kapaligiran subalit sinong mag-aakalang may mga pangyayaring hindi pa rin maipaliwanag ng siyensya, may mga bagay-bagay na nararanasan ng iilang tao sa mundo – ito ang DARK SKIES – mangingilabot ka sa kwento nito.

Hindi man orihinal ang kwento pero ang pananaw na ito ay nangyayari sa makabagong panahon ay nakakapangilabot. Ang pelikula ay nagpapakita kung paano madaling mabuwag ang isang pamilya.

May mga sipi ang pelikulang kuha mula sa ibang palabas. May mga eksenang parang na napanood muna. Ito ay dahil ang mga tao sa likod ng Dark Skies ay gumawa ng “Paranormal Activity” (2007),  “Insidious” (2011), at “Sinister” (2012).

Isang supernatural thriller tungkol pamilyang Barret, si Daniel [Josh Hamilton] ang amang na nadepressed sa pagkakatanggal at paghahanap ng kapalit na trabaho, si Lacey, [Keri Russell]  inang mapag-aruga at naniniwala sa kakayahan ng asawa at ang kanilang dawalang anak, Jesse, [Dakota Goyo] na nagbibinata at Sam, [Kadan Rockett] ang bunso – lahat sila nakakaranas ng kakaibang mga pangyayari sa loob at labas ng kanilang bahay. At habang tumatagal ito ay patindi ng patindi ang mga nangyayari hanggang sa makamit ang layunin ng may pakay.

Sa panulat at direksyon ni Scott Stewart [“Priest” (2011) at “Legion”  (2009)] ang Dark Skies ay PG13 ay may humigit kumulang 1 oras at 40 minuto ang haba.

Rating:  2/5